Իր ողջ ունակությունը բացահայտելու համար Հենրիխ Մխիթարյանը պետք է տեղափոխվի առաջատար առաջնություններ, հայտարարել է Ուկրաինայի ազգային հավաքականի եւ Դոնեցկի «Շախտյորի» նախկին ֆուտբոլիստ Սերգեյ Նագորնյակը:
«Կարծում եմ` այսօր Հենրիխն Ուկրաինայի առաջնության լավագույն ֆուտբոլիստն է: Նա 14 գնդակ է խփել 11 խաղերում, բայց խաղադաշտում նա աշխատում է ոչ թե արդյունավետության, այլ «Շախտյորի» համար: Հենրիխը ծայրահեղ թիմային խաղացող է:
Մխիթարյանն արդեն երրորդ մրցաշրջանն է անցկացնում «Շախտյորի» կազմում: Անկեղծ ասած, չէի սպասում, որ նա այսպիսի բարձր մակարդակի ֆուտբոլ կցուցադրի: Այստեղ պատճառները մի քանիսն են: Փորձառու մարզիչը նկատեց նրա տաղանդն ու վստահեց նրան: Նա լավ է համագործակցում բրազիլացիների հետ, քանի որ տեխնիկապես լավ է պատրաստված: Ժադսոնի հեռանալուց հետո ազատվեց հարձակողական կիսապաշտպանի դիրքը: Սակայն ամենակարեւորը՝ Մխիթարյանը շատ պահանջկոտ է իր նկատմամբ: Նա անդադար աշխատում է իր վրա եւ յուրաքանչյուր դրվագում պայքարում է մինչեւ վերջին վայրկյանը:
Իր ողջ ունակությունը բացահայտելու համար Հենրիխը պետք է տեղափոխվի առաջատար առաջնություններ: Ընդ որում՝ դա պետք է անել առաջիկա ամռանը:
20 միլիոն եվրոն ամենացածր գումարն է, որի դիմաց «Շախտյորը» բաց կթողնի Մխիթարյանին: Իրական գնորդները պետք է մեծ գումարներ պատրաստեն: Դժվար թե նման քայլի դիմի Լոնդոնի «Արսենալը»: Չնայած լոնդոնցիների խաղաոճը համապատասխանում հայ կիսապաշտպանին»,- Նագորնյակի խոսքը փոխանցում է gazeta.ua-ն:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։