«Լոս Անջելես Լեյքերսի» 37-ամյա ամերիկացի բասկետբոլիստ Լեբրոն Ջեյմսը դարձել է միլիարդատեր։ Անցած տարի նա վաստակել է 121 միլիոն եվրո։ Այժմ Բասկետբոլի ազգային ասոցիացիայում (NBA) հանդես եկող խաղացողներից Լեբրոն Ջեյմսը միակ միլիարդատերն է Forbes-ի ցուցակում։
Լեբրոն Ջեյմսը NBA-ի քառակի, Օլիմպիական խաղերի կրկնակի չեմպիոն է։
2014-ին Forbes-ը 1 միլիարդից ավելի էր գնահատել նաեւ լեգենդար ամերիկացի Մայքլ Ջորդանի կարողությունը, սակայն այդ պահին նա արդեն 11 տարի ավարտած էր եղել բասկետբոլիստի կարիերան։
Forbes-ի հաշվարկով՝ Լեբրոն Ջեյմսը «Քլիվլենդ Կավալիերսում», «Մայամի Հիթում» եւ «Լոս Անջելես Լեյքերսում» ստացել է ընդհանուր 385 միլիոն դոլար աշխատավարձ։
Գովազդային պայմանագրերից եւ բիզնեսի բաժնեմասերից նրա ընդհանուր եկամուտը հասել է 900 միլիոն դոլարի։
Լեբրո Ջեյմսը բաժնեմասեր ունի արագ սննդի Blaze Pizza ցանցում, մարզասարքեր արտադրող Tonal ընկերությունում եւ Lyft տաքսի ծառայությունում։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։