«Ինտերը» «Ռոմային» հայտնել է, որ բանակցում է Մխիթարյանի հետ

22:11   28 մայիսի, 2022

Իտալիայի փոխչեմպիոն Միլանի «Ինտերը» «Ռոմային» հայտնել է, որ բանակցում է 33-ամյա կիսապաշտպան Հենրիխ Մխիթարյանի հետ, հաղորդում է gianlucadimarzio.com-ը։ Հայաստանի հավաքականի նախկին ֆուտբոլիստը պայմանագիր կնքելու բանավոր համաձայնություն է տվել «Ինտերին», սակայն հռոմեական ակումբը դեռ կփորձի երկարաձգել Մխիթարյանի պայմանագիրը, որը նախատեսված է մինչեւ հունիսի 30-ը։

Ավելի վաղ calciomercato.com-ը հայտնել էր, որ «Ինտերը» Մխիթարյանին առաջարկել է երկու տարվա պայմանագիր, տարեկան 3 միլիոն եվրո աշխատավարձով։ «Ռոման» առաջարկել էր մեկ տարվա պայմանագիր։

Մխիթարյանի տրանսֆերային արժեքը գնահատվում է 10 միլիոն եվրո։

Ընթացիկ մրցաշրջանում Մխիթարյանը պորտուգալացի Ժոզե Մոուրինյոյի գլխավորած թիմի հետ մասնակցել է 44 հանդիպման, խփել 5 գոլ, կատարել 9 գոլային փոխանցում։



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։