«Ռոլան Գարոս»․ Աշխարհի առաջին ռակետ Իգա Շվյոնտեկի 31-րդ անընդմեջ հաղթանակը
17:35 28 մայիսի, 2022Ֆրանսիայի բաց առաջնության երրորդ շրջանում հաղթանակ տարավ աշխարհի առաջին ռակետ Իգա Շվյոնտեկը։ Լեհ թենիսիստուհին մրցեց Չեռնոգորիայի ներկայացուցիչ Դանկա Կովինիչի հետ եւ առավելության հասավ 6։3, 7։5 հաշվով։
Սա Իգա Շվյոնտեկի 31-րդ անընդմեջ հաղթանակն էր։ «Ռոլան Գարոսի» 1/8 եզրափակիչում նա հանդես կգա չորրորդ անգամ անընդմեջ։
Իգա Շվյոնտեկի հաջորդ մրցակիցը կլինի չինացի Ցինվեն Չժենը։
Պայքարը շարունակում է նաեւ տղամարդկանց երկրորդ ռակետ Դանիիլ Մեդվեդեւը։ Ռուսաստանցի թենիսիստը երրորդ շրջանում 6։2, 6։4, 6։2 հաշվով պարտության մատնեց սերբ Միոմիր Կեցմանովիչին։
Մեդվեդեւի հաջորդ մրցակիցը կլինի ֆրանսիացի Ժիլ Սիմոնի եւ խորվաթ Մարին Չիլիչի դիմակայության հաղթողը։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։