Օդրիոսոլան վերադարձել է Մադրիդի «Ռեալ»

Իսպանիայի հավաքականի 26-ամյա պաշտպան Ալվարո Օդրիոսոլան հայտնել է իտալական «Ֆիորենտինայից» Իսպանիայի չեմպիոն Մադրիդի «Ռեալ» վերադառնալու մասին։ Նա վարձակալությամբ էր հանդես գալիս Իտալիայում։ «Ֆիորենտինան» չի ցանկացել գնել Օդրիոսոլայի տրանսֆերային իրավունքը։

«Ես հեռանում եմ «Ֆիորենտինայից»։ Գերազանց ժամանակ անցկացրի այս ակումբում, բայց հիմա պատրաստ եմ խաղալ «Ռեալում»։ Իմ նպատակն է հաջորդ մրցաշրջանում դառնալ «Ռեալի» հիմնական խաղացող»,- Օդրիոսոլայի խոսքը մեջբերում է ESPN-ը։

Օդրիոսոլան 2018-ին «Ռեալ Սոսիեդադից» է տեղափոխվել «Ռեալ»՝ կնքելով 6 տարվա պայմանագիր։ 2020-ին նա վարձակալությամբ տեղափոխվեց «Բավարիա»՝ դառնալով Գերմանիայի չեմպիոն, գավաթակիր եւ Չեմպիոնների լիգայի գավաթակիր։ Գերմանիայում մրցաշրջանի երկրորդ հատվածն անցկացնելու հետո նա վերադարձավ Արքայական ակումբ, իսկ 2021թ․ օգոստոսին դարձյալ վարձակալությամբ միացել էր «Ֆիորենտինային»։