Սթիվեն Ջերարդը կանխատեսել է «Լիվերպուլ» - «Ռեալ» եզրափակիչի հաշիվը

01:44   28 մայիսի, 2022

«Լիվերպուլի» լեգենդար խաղացող, անգլիական «Աստոն Վիլայի» անգլիացի գլխավոր մարզիչ Սթիվեն Ջերարդը Փարիզում գերմանացի Յուրգեն Կլոպի գլխավորած թիմի մարզմանը ներկա լինելուց հետո կանխատեսում է արել Չեմպիոնների լիգայի եզրափակիչի վերաբերյալ։ «Լիվերպուլը» կմրցի Իսպանիայի չեմպիոն Մադրիդի «Ռեալի» հետ։

«Ես Փարիզում եմ, ներկա կլինեմ եզրափակիչին։ Խաղացողները մարզվում են։ Մնացել է մեկ օր։ Արդեն զգում եմ նույն մթնոլորտը։

Կցանկանայի հաջողություն մաղթել «Լիվերպուլի» խաղացողներին։ Հույս ունեմ, որ կհասնեն այն արդյունքին, որին ձգտում են։

Ակնկալում եմ ֆանտաստիկ խաղ։ Կանխատեսում եմ «Լիվերպուլի» հաղթանակը 2։0 հաշվով»,- ասել է Ջերարդը։

«Լիվերպուլ» - «Ռեալ» հանդիպումը տեղի կունենա մայիսի 28-ին եւ կմեկնարկի Երեւանի ժամանակով 23։00-ին։



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։