«Բավարիան» կփորձի 50 միլիոն եվրոյով ձեռք բերել Սադիո Մանեին

16:22   27 մայիսի, 2022

Գերմանիայի չեմպիոն Մյունխենի «Բավարիայում» վստահ են, որ կկարողանան այս ամռանը 50 միլիոն եվրոյով ձեռք բերել անգլիական «Լիվերպուլի» սենեգալցի հարձակվող Սադիո Մանեին, հաղորդում է Sky Germany-ն։

«Բավարիայի» մարզական տնօրեն Հասան Սալիհամիջիչը 30-ամյա ֆուտբոլիստին համարում է առաջնահերթ տրանսֆերային նպատակն առաջիկայում։

Սադիո Մանեի պայմանագիրը «Լիվերպուլի» հետ նախատեսված է մինչեւ 2023թ․ հունիս։ Transfermarkt-ը նրա տրանսֆերային արժեքը գնահատում է 80 միլիոն եվրո։

Ընթացիկ մրցաշրջանում Սադիո Մանեն գերմանացի Յուրգեն Կլոպի գլխավորած թիմի կազմում մասնակցել է 50 հանդիպման, խփել 23 գոլ, կատարել 5 գոլային փոխանցում։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։