Ուսման Դեմբելեն ընդունել է ՊՍԺ-ի առաջարկը

20:21   26 մայիսի, 2022

«Բարսելոնայի» եւ աշխարհի չեմպիոն Ֆրանսիայի հավաքականի հարձակվող Ուսման Դեմբելեն հրաժարվել է նոր պայմանագիր կնքել Չավիի գլխավորած թիմի հետ։

25-ամյա ֆուտբոլիստն ընդունել է Ֆրանսիայի չեմպիոն ՊՍԺ-ի առաջարկը, հաղորդում է AS-ը։ Հուլիսի 1-ին նա կստանա ազատ գործակալի կարգավիճակ։ Դեմբելեն ցանկություն ունի խաղալ Ֆրանսիայի հավաքականի 23-ամյա հարձակվող Կիլիան Մբապեի հետ, որի նոր պայմանագիրը ՊՍԺ-ի հետ նախատեսված է մինչեւ 2025թ․ հունիս։

Ավարտված մրցաշրջանում Դեմբելեն «Բարսելոնայի» հետ բոլոր մրցաշարերում մասնակցել է 32 հանդիպման, խփել 2 գոլ, կատարել 13 գոլային փոխանցում։



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։