Երեւանում ընթացող տղամարդկանց բռնցքամարտի Եվրոպայի առաջնության 4-րդ մրցումային օրը Հայաստանի 4-րդ մասնակիցը հաղթանակ տարավ 1/8-րդ եզրափակիչում:
92 կգ քաշային Նարեկ Մանասյանը գեղեցիկ հաղթանակ տարավ սլովակ Միխալեկ Դավիդի նկատմամբ: Մենամարտն ավարտվեց երկրորդ ռաունդի միջնամասում:
Հայաստանի ներկայացուցիչը երկու ռաունդների ընթացքում երկու անգամ նոկդաունի ենթարկեց սլովակ մրցակցին եւ երկու անգամ ռինգի մրցավարը հաշիվ բացեց:
Երրորդ նոկդաունից հետո մրցավարը կանգնեցրեց մենամարտը եւ գրանցեց տեխնիկական նոկաուտ: Մենամարտի մեկնարկից Նարեկ Մանասյանը անդադար հարվածաշարերով ճնշում էր գործադրում մրցակցի նկատմամբ՝ թույլ չտալով պատասխան հարվածներ անել սլովակ բռնցքամարտիկին:
Մրցումային 4-րդ օրը հաղթանակներ էին տարել նաեւ Հովհաննես Բաչկովը, Դավիթ Չալոյանը եւ Գուրգեն Մադոյանը: Բոլոր բռնցքամարտիկները դիտարժան եւ տպավորիչ մենամարտեր անցկացրին:
Մայիսի 27-ին տեղի կունենան քառորդ եզրափակիչները, որտեղ Հայաստանը կունենա 9 ներկայացուցիչ: Քառորդ եզրափակիչներում հաղթանակ տարած բռնցքամարտիկները կապահովեն բրոնզե մեդալներ:
Լուսինե Շահբազյան
Ֆոտո՝ Էմմա Ասատրյան
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։