Հենրիխ Մխիթարյանը մոտ է «Ինտեր» տեղափոխվելուն

17:37   26 մայիսի, 2022

Կոնֆերենցիաների լիգայի գավաթակիր «Ռոմայի» կիսապաշտպան Հենրիխ Մխիթարյանը մոտ է Իտալիայի փոխչեմպիոն «Ինտեր» տեղափոխվելուն։ Միլանյան ակումբը համաձայնության է հասել Հայաստանի հավաքականի նախկին կիսապաշտպանի հետ, հաղորդում է calciomercato.com-ը։

«Ինտերը» Մխիթարյանին առաջարկել է երկու տարվա պայմանագիր, տարեկան 3 միլիոն եվրո աշխատավարձով։ Առաջիկայում նա բուժզննում կանցնի։

Մխիթարյանի պայմանագիրը հռոմեական ակումբի հետ կավարտվի հունիսի 30-ին։ Նրա տրանսֆերային արժեքը գնահատվում է 10 միլիոն եվրո։

«Ռոման» ցանկանում է շարունակել համագործակցությունը Մխիթարյանի հետ, սակայն առաջարկել է մեկ տարվա պայմանագիր։

Ընթացիկ մրցաշրջանում Մխիթարյանը պորտուգալացի Ժոզե Մոուրինյոյի գլխավորած թիմի հետ մասնակցել է 44 հանդիպման, խփել 5 գոլ, կատարել 9 գոլային փոխանցում։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։