«Ռոլան Գարոս»․ Ջոկովիչն ու Խաչանովը երրորդ շրջանում են

22:03   25 մայիսի, 2022

Աշխարհի առաջին ռակետ Նովակ Ջոկովիչը դուրս եկավ Ֆրանսիայի բաց առաջնության երրորդ շրջան։ Սերբ թենիսիստը մրցեց Սլովակիայի ներկայացուցիչ Ալեքս Մոլչանի հետ եւ առավելության հասավ 6:2, 6:3, 7:6 (7:4) հաշվով։ Պայքարը տեւեց 2 ժամ եւ 18 րոպե։

«Մեծ սաղավարտի» մրցաշարերի 20-ակի հաղթողի հաջորդ մրցակիցը կլինի սլովենացի Ալյաժ Բեդենեն։

Ջոկովիչը «Ռոլան Գարոսի» գործող չեմպիոնն է։

Երրորդ շրջան դուրս եկավ նաեւ ռուսաստանցի Կարեն Խաչանովը։

Հայ թենիսիստը մրցեց համաշխարհային դասակարգման 90-րդ համար, բոլիվիացի Ուգո Դելիենի հետ եւ հաղթանակ տարավ 4:6, 6:4, 7:6 (7:1), 6:3։ Պայքարը տեւեց 3 ժամ եւ 7 րոպե։

Երրորդ շրջանում աշխարհի 25-րդ ռակետի մրցակիցը կլինի բրիտանացի Քեմերոն Նորին (11)։

«Ռոլան Գարոսի» մրցանակային հիմնադրամը 43,6 միլիոն եվրո է։



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։