Ջանլուկա Մանչինի․ Կարծում էինք՝ Կոնֆերենցիաների լիգան «կատակների գավաթ» է

10:10   25 մայիսի, 2022

Կոնֆերենցիաների լիգայի եզրափակիչին պատրաստվող իտալական «Ռոմայի» իտալացի պաշտպան Ջանլուկա Մանչինին խոստովանել է, որ մրցաշրջանի սկզբում անլուրջ վերաբերմունք են ունեցել նշանակությամբ երրորդ եվրագավաթային մրցաշարին։

«Անկեղծ ասած՝  մրցաշրջանի սկզբում մտածում էինք, որ Կոնֆերենցիաների լիգայում հեշտ կլինի խաղալը, հաղթելը։ Իհարկե, մեր նպատակը եզրափակիչն էր։

Կարծում էինք, որ խմբային փուլում ընդհանրապես ոչ մի խնդիր չի լինի։ Մտածում էինք, որ Կոնֆերենցիաների լիգան «կատակների գավաթ» է, բայց «Բուդյո-Գլիմտից» կրած ծանր պարտությունից հետո կենտրոնացած էինք ամեն հաջորդ խաղի վրա։

Մնացել է վերջին քայլը բացառիկ նվաճման հասնելու համար։ Սա իմ կարիերայի ամենակարեւոր հանդիպումն է։ Խաղացել եմ Իտալիայի գավաթի խաղարկության եզրափակիչում, բայց եվրագավաթային մրցաշարում այլ է, ավելի բարդ է հասնել եզրափակիչ»,- Մանչինիի խոսքը մեջբերում է Goal.com-ը։

«Ռոմա» - «Ֆեյենորդ» հանդիպումը տեղի կունենա մայիսի 25-ին Ալբանիայի մայրաքաղաք եւ կմեկնարկի Երեւանի ժամանակով 23։00-ին։



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։