ԵԱ. Համբարձում Հակոբյանը մեկնարկեց տպավորիչ հաղթանակով
19:22 24 մայիսի, 2022Հայաստանի թիմը երկրորդ հաղթանակը տարավ Երեւանում անցկացվող բռնցքամարտի տղամարդկանց Եվրոպայի առաջնությունում: Երկրորդ մրցումային օրվա երեկոյան մրցահերթում Կարեն Աղամալյանի գլխավորած հավաքականից պայքարի մեջ մտավ Համբարձում Հակոբյանը, որը 80 կգ քաշայինների 1/16 եզրափակիչում տպավորիչ հաղթանակ տարավ մոլդովացի Քոսիան Դմիտրիի նկատմամբ:
Առաջին ռաունդում հայ բռնցքամարտիկը չնայած ակտիվ էր, բայց մրցավարները առավելությունը տվեցին մոլդովացի բռնցքամարտիկին: Երկրորդ ռաունդում Համբարձում Հակոբյանն ավելացրեց ճնշումը եւ մրցավարները հաղթանակը տվեցին հայ բռնցքամարտիկին: Երրորդ ռաունդում Հովհաննես Համբարձումյանը բացարձակ առավելություն ուներ: Մրցակիցն այլեւս չէր կարողանում մենամարտել եւ Հայաստանի ներկայացուցիչի հարվածները դիպում հասնում էին նպատակակետին: Մրցավարների որոշմամբ հաղթանակը շնորհվեց Հովհաննես Համբարձումյանի:
Մենամարտին հետեւում էին մեծ թվով երկրպագուներ, որոնք մեծ ակտիվություն էին ցուցաբերում բոլոր ռաունդների ընթացքում:
Տրիբունայում էր նաեւ պրոֆեսիոնալ բռնցքամարտի սուպերմիջին քաշային կարգում WBC վարկածով աշխարհի նախկին չեմպիոն Արթուր Աբրահամը, որը երեխաների հետ էր եկել Հայաստանի ներկայացուցիչի մենամարտը դիտելու: Արթուր Աբրահամը տեղից պարբերաբար հուշումներ էր անում Համբարձում Հակոբյանին եւ բուռն արձագանքում յուրաքանչյուր հաջողված հարվածից հետո: Նրանից բարձր Համբարձում Հակոբյանին երկրպագում էր Արթուր Աբրահամի որդին՝ Գրիգորը:
Մայիսի 24-ին պայքարի մեջ մտած Հայաստանի մյուս երկու ներկայացուցիչներ Ջանիկ Սահակյանն ու Նարեկ Զախարյանը պարտվել են մեկնարկային մենամարտերում եւ լքել պայքարը:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.