«Մեծ սաղավարտի» մրցաշարերի 21-ակի չեմպիոն Ռաֆայել Նադալը հաղթանակով մեկնարկեց Ֆրանսիայի բաց առաջնությունում։
35-ամյա իսպանացի թենիսիստը 6։2, 6։2, 6։2 հաշվով պարտության մատնեց ավստրալացի Ջորդան Թոմփսոնին։ Պայքարը տեւեց 2 ժամ եւ 4 րոպե։
Հաջորդ շրջանում Նադալի մրցակիցը կլինի ֆրանսիացի Կորենտեն Մուտեն։
Նադալը 299-րդ հաղթանակը տարավ «Մեծ սաղավարտի» մրցաշարերում եւ այդ ցուցանիշով հավասարվեց այս շարքի մրցաշարերի 18-ակի չեմպիոն, ամերիկուհի Քրիս Էվերտին։
Ավելի շատ հաղթանակներ ունեն Ռոջեր Ֆեդերերը (369), Սերենա Ուիլյամսը (365), Նովակ Ջոկովիչը (323) եւ Մարտինա Նավրատիլովան (306)։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։