Կլոպ․ 100 տոկոս պարզ է, որ Ջերարդը ցանկանում է «Լիվերպուլի» չեմպիոնությունը

15:44   22 մայիսի, 2022

«Լիվերպուլի» գերմանացի գլխավոր մարզիչ Յուրգեն Կլոպը կատակել է, որ «Աստոն Վիլայի» անգլիացի գլխավոր մարզիչ, լիվերպուլյան ակումբի լեգենդար խաղացող Սթիվեն Ջերարդը «Մանչեսթեր Սիթիի» դեմ վերջին տուրի խաղում կանի հնարավոր ամեն ինչ հաղթանակի հասնելու համար։

Եթե «Աստոն Վիլան» չպարտվի «Մանչեսթեր Սիթիին», իսկ «Լիվերպուլը» հաղթի «Վուլվերհեմփթոնին»՝ չեմպիոնի տիտղոսը կնվաճի Կլոպի գլխավորած թիմը։

«Եթե «Մանչեսթեր Սիթիի» դեմ չցուցադրես քո լավագույն խաղը, կպարտվես։ Եթե խաղաս առավելագույն եռանդով, կարող ես հավակնել 1 միավոր։ «Աստոն Վիլան» ունի իր նպատակները։

Բոլորս գիտենք Սթիվի Ջերարդին. 100 տոկոս պարզ է, որ նա ցանկանում է «Լիվերպուլի» չեմպիոնությունը, բայց նա չի խաղում։ Նա «Աստոն Վիլայի» մարզիչն է եւ ցանկանում է հաղթել Մանչեսթերում»,- Կլոպի խոսքը մեջբերում է BBC-ն։

Պրեմիեր լիգայի վերջին տուրի հանդիպումները տեղի կունենան մայիսի 22-ին եւ կմեկնարկեն Երեւանի ժամանակով 19։00-ին։ «Մանչեսթեր Սիթին» ունի 90, «Լիվերպուլը» 89 միավոր։



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։