Ջորջո Կիելինին կարիերան կշարունակի ԱՄՆ-ում

11:02   22 մայիսի, 2022

Թուրինի «Յուվենտուսից» հեռացած իտալացի պաշտպան Ջորջո Կիելինին կարիերան կշարունակի ԱՄՆ-ում։ 37-ամյա ֆուտբոլիստը պայմանագիր կկնքի ՄԼՍ-ում հանդես եկող «Լոս Անջելես Գելաքսիի» հետ, հաղորդում է twitter.com/FabrizioRomano-ն։ Նրա ծառայություններով հետաքրքրված են եղել նաեւ ամերիկյան «Ինտեր Մայամին» եւ կանադական «Տորոնտոն»։

Կիելինին «Յուվենտուս» էր տեղափոխվել 2005-ին «Ֆիորենտինայից»։ Թուրինյան թիմի հետ նա մասնակցել է 559 հանդիպման, խփել 36 գոլ, կատարել 25 գոլային փոխանցում, դարձել է Իտալիայի 9-ակի չեմպիոն, 5-ակի գավաթակիր եւ սուպերգավաթակիր։

Եվրոպայի չեմպիոն Իտալիայի հավաքականում նա վերջին հանդիպումը կանցկացնի հունիսի 1-ին Լոնդոնի «Ուեմբլիում»՝ մասնակցելով ընկերական հանդիպման Ամերիկայի գավաթակիր Արգենտինայի հավաքականի դեմ։



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։