«ՌԲ Լայպցիգն» առաջին անգամ նվաճեց Գերմանիայի գավաթը

01:01   22 մայիսի, 2022

«ՌԲ Լայպցիգն» առաջին անգամ հռչակվեց Գերմանիայի գավաթակիր։ Բեռլինի «Օլիմպիաշտադիոնում» տեղի ունեցած եզրափակիչում գերմանացի Դոմենիկո Տեդեսկոյի գլխավորած թիմը հետխաղային 11 մետրանոցներով պարտության մատնեց «Ֆրայբուրգին»՝ 4։2։

Հիմնական եւ լրացուցիչ ժամանակն ավարտվել էր ոչ ոքի՝ 1։1։ 19-րդ րոպեին «Ֆրայբուրգի» գերմանացի կիսապաշտպան Մաքսիմիլիան Էգեշտայնը բացեց հաշիվը։ «ՌԲ Լայպցիգին» պարտությունից փրկեց ֆրանսիացի կիսապաշտպան Կրիստոֆեր Նկունկուի գոլը 76-րդ րոպեին։

«ՌԲ Լայպցիգը» Գերմանիայի Սուպերգավաթի խաղում կմրցի Բունդեսլիգայի չեմպիոն Մյունխենի «Բավարիայի» հետ։

Գերմանիայի գավաթ, եզրափակիչ

«Ֆրայբուրգ» - «ՌԲ Լայպցիգ»՝ 1։1 (հիմնական եւ լրացուցիչ ժամանակ՝ 1։1), 11մ՝ 2։4

Մաքսիմիլիան Էգեշտայն, 19 - Կրիստոֆեր Նկունկու, 76

Հեռացում՝ Մարցել Հալստենբերգ («ՌԲ Լայպցիգ»), 57



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։