Անգլիայի չեմպիոն «Մանչեսթեր Սիթիի» հետ պայմանագիր կնքած 21-ամյա նորվեգացի հարձակվող Էրլինգ Հոլանդը հրաժեշտ է տվել Դորտմունդի «Բորուսիայի» խաղացողներին, մարզիչներին եւ ակումբի 20 աշխատակիցներին՝ բոլորին նվիրելով ձեռքի ժամացույց, հաղորդում է գերմանական Bild-ը։ Հատուկ պատվիրված ժամացույցների տուփերի վրա եղել է Հոլանդի լուսանկարը։ Ընդհանուր ծախսը կազմել է 600 հազար եվրո։
Էրլինգ Հոլանդը կատալոնացի Խոսեպ Գվարդիոլայի գլխավորած թիմի խաղացող կդառնա հուլիսի 1-ից։ Անգլիական մամուլը գրել էր, որ «Մանչեսթեր Սիթին» 75 միլիոն եվրո կվճարի Դորտմունդի «Բորուսիային» Հոլանդի տրանսֆերի համար, 50 միլիոն եվրո միջնորդավճար՝ ֆուտբոլիստի գործակալներին եւ ներկայացուցիչներին։ Ֆուտբոլիստի 5 տարվա աշխատավարձը եւ «Մանչեսթեր Սիթին» ընտրելու համար բոնուսը կկազմի 125 միլիոն եվրո։
Հոլանդը 2020թ․ հունվարին էր 20 միլիոն եվրոյի դիմաց ավստրիական «ՌԲ Զալցբուրգից» տեղափոխվել Դորտմունդի «Բորուսիա»։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։