Զինեդին Զիդանը 49 տարեկանում պապ է դարձել

15:16   21 մայիսի, 2022

Մադրիդի «Ռեալի» նախկին գլխավոր մարզիչ Զինեդին Զիդանը 49 տարեկանում պապ է դարձել։ Ծնվել է Զիդանի ավագ որդու առաջնեկը։ Այդ մասին Էնցո Զիդանն ու նրա կին Կառեն Գոնսալվեշը հայտնել են սոցիալական ցանցերում հրապարակած լուսանկարով։

27-ամյա Էնցո Զիդանն այժմ հանդես է գալիս ֆրանսիական «Ռոդեզ» ակումբում, որը ներկայացնում է Ֆրանսիայի երկրորդ լիգան։

Զինեդին Զիդանն ունի եւս երեք որդի՝ Լյուկան, Էլյասն ու Տեոն։

2021թ․ ամռանը Արքայական ակումբի գլխավոր մարզիչի պաշտոնից հեռանալուց հետո Զիդանը դեռ աշխատանք չունի։ Նրա ծառայություններով հետաքրքրված է փարիզյան ՊՍԺ-ն։ 



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։