Ալաբան ու Բեյլը կարող են մասնակցել Չեմպիոնների լիգայի եզրափակիչին

14:08   21 մայիսի, 2022

Իսպանիայի չեմպիոն Մադրիդի «Ռեալի» իտալացի գլխավոր մարզիչ Կառլո Անչելոտին հնարավոր է համարել ավստրիացի պաշտպան Դավիդ Ալաբայի եւ ուելսցի հարձակվող Գարեթ Բեյլի մասնակցությունը Չեմպիոնների լիգայի եզրափակիչին։

Երկուսն էլ չեն մասնակցել «Բետիսի» դեմ Իսպանիայի առաջնության վերջին տուրի հանդիպմանը (0:0)։

«Ալաբան կխաղա եզրափակիչում, 100 տոկոս։ Նա խաղադաշտ դուրս չի եկել ապրիլի 26-ից, բայց վճռական խաղում կարեւոր է նաեւ նրա վարպետությունն ու փորձը։

Բեյլը ցանկանում էր հրաժեշտ տալ երկրպագուներին Մադրիդում, բայց չկարողացավ մասնակցել «Բետիսի» դեմ խաղին։ Նա դեռ ունի վերջին հնարավորություն Փարզիում»,- Անչելոտիի խոսքը մեջբերում է Marca-ն։

«Ռեալը» Չեմպիոնների լիգայի գավաթը կվիճարկի անգլիական «Լիվերպուլի» հետ մայիսի 28-ին։



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։