Յուրգեն Կլոպ․ Մենք արդեն ունենք տոնակատարության առիթներ

18:03   21 մայիսի, 2022

Անգլիական «Լիվերպուլի» գերմանացի գլխավոր մարզիչ Յուրգեն Կլոպը ցանկանում է այս մրցաշրջանի վերջում կազմակերպել չեմպիոնական շքերթ Անգլիայի առաջնությունում եւ Չեմպիոնների լիգայում վերջնական արդյունքից  անկախ։ «Լիվերպուլն» այս մրցաշրջանում նվաճել է Անգլիական լիգայի եւ Անգլիայի գավաթները։

«Մենք արդեն ունենք տոնակատարության առիթներ՝ Անգլիական լիգայի գավաթը, Անգլիայի գավաթը եւ մնացածը, որ դեռ կարող է լինել։ Երկու տարի առաջ դարձանք չեմպիոն, բայց չկարողացանք անցկացնել չեմպիոնական շքերթ։ Ես երջանիկ եմ, որ հիմա կարող ենք կատարել մեր խոստումը։ Դա միայն «Լիվերպուլի» եւ երկրպագուների համար է։ Կարեւոր չէ, թե ինչ կմտածեն այլ մարդիկ»,- Կլոպի խոսքը մեջբերում է BBC-ն։

Անգլիայի առաջնության վերջին տուրից առաջ «Լիվերպուլը» 89 միավորով երկրորդն է եւ 1 միավոր է հետ առաջատար «Մանչեսթեր Սիթիից»։ Չեմպիոնների լիգայի եզրափակիչում «Լիվերպուլը» մայիսի 28-ին կմրցի Իսպանիայի չեմպիոն Մադրիդի «Ռեալի» հետ։



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։