Ֆրանչեսկո Տոտի․ Կհանդիպեմ Դիբալայի հետ եւ կհամոզեմ տեղափոխվել «Ռոմա»

10:08   21 մայիսի, 2022

«Ռոմայի» լեգենդար խաղացող, իտալացի Ֆրանչեսկո Տոտին ցանկանում է Թուրինի «Յուվենտուսից» հեռացող արգենտինացի հարձակվող Պաուլո Դիբալային տեսնել հռոմեական ակումբում։

«Երկուշաբթի հանդիպում կունենամ Դիբալայի հետ եւ կհամոզեմ տեղափոխվել «Ռոմա»։ Չգիտեմ՝ կստացվի, թե չի ստացվի։ Մենք խաղալու ենք Սամուել Էտո’O-ի կազմակերպած բարեգործական խաղում։ Կփորձեմ Դիբալային որոշ բաներ հաղորդել, հույս ունեմ, որ նա կընդունի»,- Ֆրանչեսկո Տոտիի խոսքը մեջբերում է Goal.com-ը։

28-ամյա արգենտինացի հարձակվողը հուլիսի 1-ին կստանա ազատ գործակալի կարգավիճակ։ Դիբալային ձեռք բերելու ցանկություն ունեն նաեւ Միլանի «Ինտերը», Մադրիդի «Աթլետիկոն», Լոնդոնի «Արսենալն» ու «Տոտենհեմը»։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։