«Ռոման» հաղթեց վերջին տուրում եւ ապահովեց ԵԼ-ի ուղեգիր (տեսանյութ)

00:38   21 մայիսի, 2022

Իտալիայի առաջնության վերջին տուրի խաղում «Ռոման» Թուրինում հյուրընկալվեց «Տորինոյին»։ Պորտուգալացի Ժոզե Մոուրինյոյի գլխավորած թիմն առավելության հասավ 3։0 հաշվով։

Հռոմեական թիմից դուբլի հեղինակ դարձավ անգլիացի հարձակվող Թեմի Աբրահամը։ Աչքի ընկավ նաեւ իտալացի կիսապաշտպան Լորենցո Պելեգրինին։

«Ռոմայի» կիսապաշտպան Հենրիխ Մխիթարյանը դեռ չի վերականգնվել վնասվածքից հետո։ Նրա վերադարձը սպասվում է Կոնֆերենցիաների լիգայի եզրափակիչում։ «Ռոման» մայիսի 25-ին Ալբանիայի մայրաքաղաք Տիրանայում կմրցի հոլանդական «Ֆեյենորդի» հետ։

«Ռոման» 63 միավորով բարձրացավ 5-րդ տեղ եւ ապահովեց Եվրոպայի լիգայի խմբային փուլի ուղեգիր։ «Տորինոն» 10-րդն է՝ 50 միավոր։

Իտալիայի առաջնություն, 38-րդ տուր

«Տորինո» - «Ռոմա»՝ 0։3 (տեսանյութ)

Թեմի Աբրահամ, 33, 42, 11մ, Լորենցո Պելեգրինի, 78, 11մ



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։