Superbet Rapid & Blitz. Լեւոն Արոնյանը պարտվեց Վիշի Անանդին
18:29 20 մայիսի, 2022Լեհաստանի մայրաքաղաք Վարշավայում անցկացվող արագ եւ կայծակնային խաղի Superbet Rapid & Blitz մրցաշարի 5-րդ տուրում Հայաստանի հավաքականի նախկին առաջատար Լեւոն Արոնյանը (ԱՄՆ) սպիտակ ֆիգուրներով արագ խաղի պարտիայում մրցեց աշխարհի նախկին չեմպիոն Վիշի Անանդի (Հնդկաստան) հետ եւ պարտություն կրեց 24-րդ քայլում։
Առաջին չորս տուրերում Լեւոն Արոնյանը հաղթել է ամերիկացի Ֆաբիանո Կարուանային, ոչ ոքի խաղացել հունգարացի Ռիչարդ Ռապորտի, լեհ Ռադոսլավ Վոյտաշեկի, ամերիկացի Ուեսլի Սոյի հետ։
Արոնյանը 10 հնարավորից (հաղթանակի համար տրվում է 2, ոչ ոքիի համար՝ 1 միավոր) վաստակել է 5 միավոր եւ 5-րդն է։ Անանդը 5 հաղթանակից հետո 10 միավորով միանձնյա գլխավորում է մրցաշարային աղյուսակը։
Superbet Rapid & Blitz-ի մրցանակային հիմնադրամը 175 հազար դոլար է։ Հաղթողը կստանա 40 հազար դոլար։ Superbet Rapid & Blitz-ը Grand Chess Tour-ի երկրորդ փուլն է։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։