9 խաղացող ամռանը կհեռանա «Մանչեսթեր Յունայթեդից»

11:57   20 մայիսի, 2022

Անգլիական «Մանչեսթեր Յունայթեդի» նորանշանակ գլխավոր մարզիչ Էրիկ տեն Հագը ամառային տրանսֆերային պատուհանի ընթացքում հիմնովին կվերափոխի կազմը, հաղորդում է Daily Mail-ը։

Ակումբից կհեռանան Պոլ Պոգբան, Էրիկ Բային, Աարոն Վան-Բիսական, Էդինսոն Կավանին, Նեմանյա Մատիչը, Խուան Մատան, Լի Գրանտը, Ջեսի Լինգարդը եւ Ֆիլ Ջոնսը։

Գերմանացի Ռալֆ Ռանգնիկին փոխարինած «Այաքսի» հոլանդացի գլխավոր մարզիչը ամռանը տրանսֆերների համար կստանա մոտ 150 միլիոն եվրո։

Տեն Հագի պայմանագիրը «Մանչեսթեր Յունայթեդի» հետ նախատեսված է մինչեւ 2025թ․ հունիս։

Անգլիայի առաջնության վերջին տուրից առաջ «Մանչեսթեր Յունայթեդը» 58 միավորով 6-րդն է։



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։