Բենզեմա․ ՉԼ-ի եզրափակիչին լավ պատրաստվելու համար պետք է հաղթել «Բետիսին»
10:20 20 մայիսի, 2022Իսպանիայի առաջնության վերջին տուրում նորընծա չեմպիոն Մադրիդի «Ռեալը» կընդունի «Բետիսին»։ Արքայական թիմի ֆրանսիացի հարձակվող Քարիմ Բենզեման կարեւորել է հաղթանակն այդ խաղում։
«Շատ կարեւոր ամիս էր։ Մենք դարձանք Իսպանիայի չեմպիոն, բայց Չեմպիոնների լիգայի եզրափակիչին լավ պատրաստվելու համար պետք է շարունակենք լավ խաղալ եւ հաղթել «Բետիսին»։ Մեր թիմին ավելի շատ վստահություն է պետք եզրափակիչից առաջ։
Մենք խաղում ենք տանը եւ պետք է ուրախացնենք երկրպագուներին։ Դա է ամենակարեւորը։ Պետք է ձգտենք հաղթել մրցաշրջանի վերջին տնային խաղում»,- Բենզեմայի խոսքը մեջբերում է Marca-ն։
«Ռեալ» - «Բետիս» հանդիպումը տեղի կունենա մայիսի 20-ին եւ կմեկնարկի Երեւանի ժամանակով 23։00-ին։
Չեմպիոնների լիգայի «Ռեալ» - «Լիվերպուլ» եզրափակիչը տեղի կունենա մայիսի 28-ին Փարիզում։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։