Մբապեն TF1-ի եթերում կհայտնի, թե որ ակումբում է շարունակելու կարիերան

09:03   20 մայիսի, 2022

Ֆրանսիայի չեմպիոն ՊՍԺ-ի եւ աշխարհի չեմպիոն Ֆրանսիայի հավաքականի 23-ամյա հարձակվող Կիլիան Մբապեն ֆրանսիական TF1 հեռուստաալիքի եթերում կհայտնի, թե որ ակումբում է շարունակելու կարիերան, հաղորդում է L’Equipe-ը։

Սպասվում է, որ դա տեղի կունենա մայիսի 22-ին, Երեւանի ժամանակով 13։00-ին Telefoot հաղորդման ընթացքում։

ՊՍԺ-ն Մբապեին առաջարկել է եւս 2 տարով երկարաձգել համագործակցությունը։ Իսպանիայի չեմպիոն Մադրիդի «Ռեալը» նրան առաջարկել է 5 տարվա պայմանագիր։

Ընթացիկ մրցաշրջանում Մբապեն ՊՍԺ-ի հետ մասնակցել է 45 հանդիպման, խփել 36 գոլ, կատարել 26 գոլային փոխանցում։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։