«Էվերտոնն» անհավանական կամային հաղթանակով խուսափեց Պրեմիեր լիգան լքելու վտանգից (տեսանյութ)

00:42   20 մայիսի, 2022

Անգլիայի առաջնության 33-րդ տուրից տեղափոխված խաղում «Էվերտոնը» Լիվերպուլում ընդունեց լոնդոնյան «Քրիսթալ Փելասին»։

Անգլիացի Ֆրենկ Լեմպարդի գլխավորած թիմն անհավանական կամային հաղթանակ տարավ 3։2 հաշվով։

Առաջին խաղակեսից հետո «Քրիսթալ Փելասը» հաղթում էր 2։0 հաշվով, սակայն ընդմիջումից հետո «Էվերտոնից» աչքի ընկան անգլիացի պաշտպան Մայքլ Քինը, բրազիլացի հարձակվող Ռիշարլիսոնը եւ անգլիացի հարձակվող Դոմինիկ Կալվերտ-Լյուինը՝ հաղթանակ բերելով դաշտի տերերին։ 85-րդ րոպեին գրանցված հաղթական գոլից հետո «Էվերտոնի» բազմաթիվ ֆանատներ ներխուժեցին խաղադաշտ, բայց հնարավոր եղավ արագ կարգավորել իրավիճակը եւ հանդիպումը հասցնել ավարտին։

Վերջին տուրից առաջ «Էվերտոնը» 39 միավորով ապահովեց առնվազն 16-րդ տեղն ու խուսափեց Պրեմիեր լիգայից դուրս մնալու վտանգից։ «Քրիսթալ Փելասը» 13-րդն է՝ 45 միավոր։

Անգլիայի առաջնություն, 33-րդ տուր

«Էվերտոն» - «Քրիսթալ Փելաս»՝ 3։2 (տեսանյութ)

Մայքլ Քին, 54, Ռիշարլիսոն, 76, Դոմինիկ Կալվերտ-Լյուին, 85 - Ժան-Ֆիլիպ Մատետա, 21, Ջորդան Այու, 36



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։