Անչելոտի․ Բեյլը հեռանում է, բայց կմնա «Ռեալի» պատմության մեջ

21:54   19 մայիսի, 2022

Իսպանիայի նորընծա չեմպիոն Մադրիդի «Ռեալի» իտալացի գլխավոր մարզիչ Կառլո Անչելոտին կարեւորել է հարձակվող Գարեթ Բեյլի դերը Արքայական ակումբի պատմության մեջ։ Ամռանը ուելսցի ֆուտբոլիստը կհեռանա «Ռեալից»։

«Ավարտվում է Բեյլի պայմանագիրը։ Կարեւոր չէ՝ նա կխաղա այս մրցաշրջանում այլեւս, թե չի խաղա։ Բեյլը հեռանում է, բայց նա կմնա «Ռեալի» պատմության մեջ։ Գարեթը կարեւոր էր Չեմպիոնների լիգայի եզրափակիչներում, Իսպանիայի գավաթի խաղարկության եզրափակիչում։ Պետք է այդ ամենն ընդունել»,- Անչելոտիի խոսքը մեջբերում է Marca-ն։

Իսպանիայի ընթացիկ առաջնությունում Գարեթ Բեյլը մասնակցել է 5 հանդիպման, խփել 1 գոլ։

Գարեթ Բեյլը «Ռեալի» հետ դարձել է Իսպանիայի եռակի չեմպիոն, Չեմպիոնների լիգայի քառակի գավաթակիր։

Իսպանիայի առաջնության վերջին տուրի «Ռեալ» - «Բետիս» հանդիպումը տեղի կունենա մայիսի 20-ին եւ կմեկնարկի Երեւանի ժամանակով 23։00-ին։



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։