Ֆրանկֆուրտի «Այնտրախտը»՝ Եվրոպայի լիգայի հաղթող (ֆոտո, վիդեո)

01:56   19 մայիսի, 2022

Գերմանական «Այնտրախտ Ֆրանկֆուրտը» նվաճեց Եվրոպայի լիգայի գավաթը՝ եզրափակիչում հետխաղային 11 մետրանոցներով հաղթելով շոտլանդական «Գլազգո Ռեյնջերսին»։

Սեւիլիայում տեղի ունեցած հանդիպման հաշիվը 57-րդ րոպեին բացեց «Ռեյնջերսի» նիգերիացի կիսապաշտպան Ջո Արիբոն։ 69-րդ րոպեին հավասարությունը վերականգնեց գերմանական թիմի կոլումբացի հարձակվող Ռաֆայել Բորեն։

Հիմնական եւ լրացուցիչ ժամանակն ավարտվեց 1։1 հաշվով։ Հետխաղային 11 մետրանոցներն ավելի հաջող իրացրին «Այնտրախտի» ֆուտբոլիստները՝ 5։4։  «Գլազգո Ռեյնջերսից» ուելսցի կիսապաշտպան Աարոն Ռեմզին վրիպեց։

Եվրագավաթներում «Այնտրախտը» նախորդ անգամ եզրափակիչ հասել էր 42 տարի առաջ՝ նվաճելով ՈւԵՖԱ-ի գավաթը։ «Գլազգո Ռեյնջերսը» նախորդ անգամ եվրագավաթային եզրափակիչում խաղացել էր 2008-ին․ ՈւԵՖԱ-ի գավաթի խաղարկության եզրափակիչում պարտվել էր «Զենիթին»։

Եվրոպայի լիգա, եզրափակիչ

«Այնտրախտ Ֆրանկֆուրտ» - «Գլազգո Ռեյնջերս»՝ 1:1, 11 մ՝ 5։4 (տեսանյութ)

Ռաֆայել Բորե, 69 - Ջո Արիբո, 57



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։