Հենրիխ Մխիթարյանը կվերսկսի մարզումները հաջորդ շաբաթ

23:44   18 մայիսի, 2022

Իտալական «Ռոմայի» կիսապաշտպան Հենրիխ Մխիթարյանը վնասվածքից ապաքինվել է եւ մարզումները կվերսկսի հաջորդ շաբաթ, հաղորդում է Corriere della Sera-ն։

33-ամյա ֆուտբոլիստը հույս ունի պատրաստ լինել հոլանդական «Ֆեյենորդի» դեմ Կոնֆերենցիաների լիգայի եզրափակիչին, որը տեղի կունենա մայիսի 25-ին Ալբանիայի մայրաքաղաք Տիրանայում։

Սպասվում է, որ նախքան այդ Մխիթարյանը կհասցնի 2-3 օր լիարժեք մարզումներ անցկացնել պորտուգալացի Ժոզե Մոուրինյոյի գլխավորած թիմի ընդհանուր խմբում։

Ընթացիկ մրցաշրջանում Մխիթարյանը «Ռոմայի» հետ մասնակցել է 43 հանդիպման, խփել 5 գոլ, կատարել 9 գոլային փոխանցում։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։