«Բավարիայի» նախագահ․ Ինչո՞ւ վաճառենք Լեւանդովսկուն

19:28   18 մայիսի, 2022

Գերմանիայի չեմպիոն Մյունխենի «Բավարիան» մտադիր չէ վաճառել 33-ամյա հարձակվող Ռոբերտ Լեւանդովսկուն, որը ցանկանում է տեղափոխվել «Բարսելոնա»։ Ոչ պաշտոնական տվյալներով՝ լեհ ֆուտբոլիստն արդեն համաձայնության է հասել կատալոնական ակումբի հետ։

«Լեւանդովսկին անհավանական արդյունավետ է։ Ամեն տարի խփում է անհավանական քանակի գոլեր։ Ինչո՞ւ վաճառենք նրան։ Քիչ են կայուն այդքան շատ գոլ խփող ֆուտբոլիստները։ Չենք գտնի հավասարազոր փոխարինողի։

Մի քանի անգամ արդեն ասել եմ, որ Լեւանդովսկու պայմանագիրը նախատեսված է մինչեւ 2023թ․ հունիսի 30-ը։ Նա կկատարի այն մինչեւ վերջ»,- «Բավարիայի» նախագահ Հերբերտ Հայների խոսքը մեջբերում է Bayern & Germany-ն։

Ավարտված մրցաշրջանում Լեւանդովսկին «Բավարիայի» հետ մասնակցել է 46 հանդիպման, խփել 50 գոլ։



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։