Կլոպ․ Սալահն ու Վան Դեյքը պատրաստ կլինեն ՉԼ-ի եզրափակիչին

20:23   17 մայիսի, 2022

«Լիվերպուլի» եգիպտացի հարձակվող Մոհամեդ Սալահը եւ հոլանդացի պաշտպան Վիրջին վան Դեյքը վնասվածքների պատճառով բաց կթողնեն Պրեմիեր լիգայի նախավերջին տուրի հանդիպումը «Սաութհեմփթոնի» դեմ, սակայն կհասցնեն վերականգնվել եւ մասնակցել վերջին տուրի խաղին «Վուլվերհեմփթոնի» դեմ մայիսի 22-ին եւ Չեմպիոնների լիգայի եզրափակիչին, որը տեղի կունենա մայիսի 28-ին Փարիզում։ Անգլիական թիմը կմրցի Իսպանիայի չեմպիոն Մադրիդի «Ռեալի» հետ։

«Սալահի եւ Վան Դեյքի վնասվածքները ծանր չեն։ Նպատակը վերջին տուրի խաղին պատրաստ լինելն է։ Չեմ կասկածում, որ նրանք լիարժեք վերականգնված կլինեն մինչեւ Չեմպիոնների լիգայի եզրափակիչը։ Ես լավատեսորեն եմ տրամադրված այդ հարցում»,- «Լիվերպուլի» գերմանացի գլխավոր մարզիչ Յուրգեն Կլոպի խոսքը մեջբերում է BBC-ն։

Անգլիայի առաջնության 37-րդ տուրի «Սաութհեմփթոն» - «Լիվերպուլ» հանդիպումը տեղի կունենա մայիսի 17-ին եւ կմեկնարկի Երեւանի ժամանակով 22։45-ին։



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։