«Բավարիան» 18 միլիոն եվրո աշխատավարձ է առաջարկել Դեմբելեին

17:46   17 մայիսի, 2022

Գերմանիայի չեմպիոն Մյունխենի «Բավարիան» ցանկանում է ձեռք բերել կատալոնական «Բարսելոնայի» եւ աշխարհի չեմպիոն Ֆրանսիայի հավաքականի հարձակվող Ուսման Դեմբելեին, որը հուլիսին կստանա ազատ գործակալի կարգավիճակ։ «Բավարիան» 25-ամյա ֆուտբոլիստին առաջարկել է 4 տարվա պայմանագիր։ Մյունխենյան ակումբը պատրաստ է Դեմբելեին վճարել տարեկան 18 միլիոն եվրո աշխատավարձ, հաղորդում է L'Equipe-ը։

Ֆրանսիական ՊՍԺ-ն եւս ցանկանում է ձեռք բերել Դեմբելեին, «Բարսելոնան» էլ բանակցում է նրա հետ պայմանագրի երկարաձգման հարցով։

Ընթացիկ մրցաշրջանում Դեմբելեն Չավիի գլխավորած թիմի հետ մասնակցել է 31 հանդիպման, խփել 2 գոլ, կատարել 13 գոլային փոխանցում։



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։