«Յուվենտուսը» ոչ ոքի խաղաց «Լացիոյի» հետ, Կիելինին հրաժեշտ տվեց 17-րդ րոպեին (ֆոտո, վիդեո)
00:44 17 մայիսի, 2022Իտալիայի առաջնության 37-րդ տուրում «Յուվենտուսը» Թուրինում մրցեց Հռոմի «Լացիոյի» հետ եւ ավելացված ժամանակում բաց թողեց հաղթանակը՝ 2։2։
10-րդ րոպեի խաղի հաշիվը բացեց «Յուվենտուսի» սերբ հարձակվող Դուշան Վլահովիչը։
#JuveLazio #FinoAllaFine #ForzaJuve pic.twitter.com/w0hKajFIIt
— JuventusFC (@juventusfcen) May 16, 2022
Խորհրդանշական 17-րդ րոպեին փոխարինվեց «Յուվենտուսի» 37-ամյա իտալացի պաշտպան Ջորջո Կիելինին, որը վերջին հանդիպումն անցկացրեց տնային ստադիոնում։ Նա 17 մրցաշրջան է անցկացրել «Յուվենտուսում» եւ այս առաջնության ավարտից հետո կհեռանա ակումբից։ Կիելինին ավագի թեւկապը փոխանցեց արգենտինացի հարձակվող Պաուլո Դիբալային, որը եւս ամռանը հեռանալու է թիմից։
#THEGR3ATCHIELLO #JuveLazio #FinoAllaFine #ForzaJuve pic.twitter.com/uJpP0TWFMc
— JuventusFC (@juventusfcen) May 16, 2022
Իտալացի Մասիմիլիանո Ալեգրիի գլխավորած թիմի առավելությունը 36-րդ րոպեին կրկնապատկեց իսպանացի հարձակվող Ալվարո Մորատան։ 51-րդ րոպեին սեփական դարպասը գրավեց «Յուվենտուսի» բրազիլացի պաշտպան Ալեքս Սանդրոն։ Ավելացված 6-րդ րոպեին հյուրերին պարտությունից փրկեց սերբ կիսապաշտպան Սերգեյ Միլինկովիչ-Սավիչի գոլը։
«Յուվենտուսը» վաստակել է 70 միավոր եւ առաջնությունը կավարտի չորրորդ տեղում։ «Լացիոն» 63 միավոր 5-րդն է եւ 3 միավոր է առաջ 6-րդ տեղում գտնվող «Ռոմայից»։
Իտալիայի առաջնություն, 37-րդ տուր
«Յուվենտուս» - «Լացիո»՝ 2։2 (տեսանյութ)
Դուշան Վլահովիչ, 10, Ալվարո Մորատա, 36 - Ալեքս Սանդրո, 51, ինքնագոլ, Սերգեյ Միլինկովիչ, 90+6
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.