«Չելսին» դիտարկում է Լեւանդովսկուն ձեռք բերելու տարբերակը

21:02   16 մայիսի, 2022

Լոնդոնի «Չելսիի» գերմանացի գլխավոր մարզիչ Թոմաս Տուխելը հետաքրքրված է Գերմանիայի չեմպիոն Մյունխենի «Բավարիայի» 33-ամյա լեհ հարձակվող Ռոբերտ Լեւանդովսկու ծառայություններով, հաղորդում է Goal.com-ը։

Լեւանդովսկին որոշել է չերկարաձգել պայմանագիրը «Բավարիայի» հետ։ Այն նախատեսված է մինչեւ հաջորդ մրցաշրջանի ավարտը։ Ֆուտբոլիստը ցանկանում է փոխել ակումբը, սակայն «Բավարիայի» ղեկավարությունը հայտարարել է, որ նա պետք է կատարի պայմանագիրը։

Լեւանդովսկուն ձեռք բերելու ցանկություն ունի նաեւ կատալոնական «Բարսելոնան»։

Գերմանիայի ավարտված առաջնությունում Լեւանդովսկին մասնակցել է 34 հանդիպման, խփել 35 գոլ, կատարել 3 գոլային փոխանցում։ Նա 7-րդ անգամ ճանաչվել է Գերմանիայի առաջնության լավագույն ռմբարկու։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։