«Բարսելոնան»՝ փոխչեմպիոն, «Աթլետիկոն» ու «Սեւիլիան» ապահովեցին ՉԼ-ի ուղեգրեր (տեսանյութ)

23:34   15 մայիսի, 2022

Իսպանիայի առաջնության նախավերջին տուրում Մադրիդի «Աթլետիկոն» տանը մրցեց «Սեւիլիայի» հետ եւ վերջին րոպեներին բաց թողեց հաղթանակը։ Գրանցվեց ոչ ոքի 1։1 հաշվով։ Երկու թիմերն էլ ապահովեցին տեղը լավագույն քառյակում եւ Չեմպիոնների լիգայի խմբային փուլի ուղեգրեր։

Արգենտինացի Դիեգո Սիմեոնեի գլխավորած թիմը 68 միավորով երրորդն է, «Սեւիլիան» 67 միավորով չորրորդ տեղում է։

«Բետիսը» 2։0 հաշվով հաղթեց «Գրանադային» եւ 64 միավորով 5-րդն է։ Վերջին տուրում «Սեւիլիային» հավասարվելու դեպքում էլ «Բետիսը» կմնա 5-րդ տեղում, քանի որ երկու խաղում էլ պարտվել է «Սեւիլիային»։

73 միավորով երկրորդ տեղում է «Բարսելոնան», որը 0։0 հաշվով ավարտեց «Խետաֆեի» հետ արտագնա խաղը։ Չավիի գլխավորած թիմը նվաճեց փոխչեմպիոնի կոչումը։

Չեմպիոն «Ռեալը» նախավերջին տուրում հյուրընկալվեց «Կադիսին» եւ բավարարվեց ոչ ոքի արդյունքով՝ 1։1։ Արքայական թիմը վաստակել է 85 միավոր։

Իսպանիայի առաջնություն, 37-րդ տուր

«Աթլետիկո Մադրիդ» - «Սեւիլիա»՝ 1:1 (տեսանյութ)

Խոսե Խիմենես, 30 - Յուսեֆ Էն-Նեսիրի, 85

«Խետաֆե» - «Բարսելոնա»՝ 0։0 (տեսանյութ)

«Կադիս» - «Ռեալ»՝ 1։1 (տեսանյութ)

Ռուբեն Սոբրինո, 37 - Մարիանո Դիաս, 5

Չիրացրած 11մ՝ Ալվարո Նեգրեդո («Կադիս»), 61

«Բետիս» - «Գրանադա»՝ 2։0

Խուանմի, 14, 88



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։