«Բրյուգեն» 18-րդ անգամ եւ երրորդ տարին անընդմեջ նվաճեց Բելգիայի չեմպիոնի տիտղոսը։
Բելգիայի առաջնության չեմպիոնական խմբի նախավերջին տուրում «Բրյուգեն» հյուրընկալվեց «Անտվերպենին» եւ կամային հաղթանակ տարավ 3։1 հաշվով։
Հյուրերի երրորդ գոլը խփեց Հայաստանի հավաքականի հարձակվող Սարգիս Ադամյանը։
«Բրյուգեն» 49 միավորով գլխավորում է մրցաշարային աղյուսակը եւ 6 միավոր առաջ է 1 հանդիպում քիչ անցկացրած «Ռոյալ Յունիոնից»։ «Բրյուգեն» նախորդ երկու տուրերում պարտության էր մատնել «Ռոյալ Յունիոնին»։
Վերջին տուրում «Բրյուգեն» մայիսի 22-ին կընդունի «Անդերլեխտին»։
Բելգիայի առաջնություն, չեմպիոնական խումբ, 5-րդ տուր
«Անտվերպեն» - «Բրյուգե»՝ 1։3
Մայքլ Ֆրեյ, 19 - Հանս Վանակեն, 49, 11մ, Ջեք Հենդրի, 64, Սարգիս Ադամյան, 66
CHAMPIONS!
— Pro League (@ProLeagueBE) May 15, 2022
For the first time in 44 years, Club Brugge becomes champions three times in a row again #jupilerproleague #championsplayoffs #antclu pic.twitter.com/3Nup6mXryh
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։