Էդեն Ազարը հաջորդ մրցաշրջանում էլ կներկայացնի «Ռեալը»

19:25   14 մայիսի, 2022

Իսպանիայի չեմպիոն Մադրիդի «Ռեալի» իտալացի գլխավոր մարզիչ Կառլո Անչելոտին հայտնել է, որ 31-ամյա բելգիացի հարձակվող Էդեն Ազարը հաջորդ մրցաշրջանում էլ կներկայացնի Արքայական ակումբը։

«Էդեն Ազարը մնում է թիմում։ Նա ցանկանում է հաստատել իր բարձր կարգը։ Նա ապացուցելու բան ունի»,- Անչելոտիի խոսքը մեջբերում է Marca-ն։

Էդեն Ազարի ծառայություններով հետաքրքրված են Լոնդոնի «Արսենալը», Դորտմունդի «Բորուսիան», իտալական «Միլանը»։

Ընթացիկ մրցաշրջանում Էդեն Ազարը «Ռեալի» հետ մասնակցել է 22 հանդիպման, խփել 1 գոլ, կատարել 2 գոլային փոխանցում։ Նրա պայմանագիրը մադրիդյան ակումբի հետ նախատեսված է մինչեւ 2024թ․ հունիս։



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։