«Բարսելոնան» ցանկանում է ամռանը ձեռք բերել Իսպանիայի հավաքականի հարձակվող Ալվարո Մորատային, հաղորդում է Sport.es-ը։ 29-ամյա ֆուտբոլիստն այժմ վարձակալությամբ հանդես է գալիս Թուրինի «Յուվենտուսում»։ Նրա տրանսֆերային իրավունքը պատկանում է Մադրիդի «Աթլետիկոյին»։
Կատալոնական ակումբը համաձայնության չի հասել Գերմանիայի չեմպիոն Մյունխենի «Բավարիայի» հետ 33-ամյա լեհ հարձակվող Ռոբերտ Լեւանդովսկու տրանսֆերի հարցում եւ այժմ փնտրում է հարձակվողի այլ տարբերակ։
Իտալիայի ընթացիկ առաջնությունում Ալվարո Մորատան մասնակցել է 34 հանդիպման, խփել 8 գոլ, կատարել 6 գոլային փոխանցում։
Նրա վարձակալության պայմանագիրը «Յուվենտուսի» հետ կավարտվի հունիսի 30-ին։ Ալվարո Մորատայի տրանսֆերային արժեքը գնահատվում է 30 միլիոն եվրո։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։