Անգլիական «Մանչեսթեր Յունայթեդի» 37-ամյա պորտուգալացի հարձակվող Կրիշտիանու Ռոնալդուն անդրադարձել է թիմի գլխավոր մարզիչի պաշտոնում հոլանդացի Էրիկ տեն Հագի նշանակմանը։ Նիդեռլանդների չեմպիոն Ամստերդամի «Այաքսի» գլխավոր մարզիչը գերմանացի Ռալֆ Ռանգնիկին կփոխարինի հուլիսի 1-ին։
«Մենք ուրախ ենք եւ սպասում ենք արդյունավետ աշխատանքի։ Մենք պետք է հավատանք, որ հաջորդ մրցաշրջանում կկարողանանք տիտղոսներ նվաճել։ Ես գիտեմ՝ ինչ աշխատանք է Տեն Հագը կատարել «Այաքսում»։ Նա փորձառու մարզիչ է։ Նրան պետք է ժամանակ տալ «Մանչեսթեր Յունայթեդում»։ Ես նրան մաղթում եմ լավագույնն այս պաշտոնում»,- Ռոնալդուի խոսքը մեջբերում է ակումբի մամուլի ծառայությունը։
Ռոնալդուի պայմանագիրը «Մանչեսթեր Յունայթեդի» հետ նախատեսված է մինչեւ հաջորդ մրցաշրջանի ավարտը։ Չի բացառվում, որ ամռանը նա փոխի ակումբը, քանի որ «Մանչեսթեր Յունայթեդը» չի նվաճել Չեմպիոնների լիգայի ուղեգիր։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։