Հունաստանի Հերակլիոն քաղաքում մայիսի 2-10-ն անցկացված ծանրամարտի երիտասարդների աշխարհի առաջնությունում Հայաստանի թիմը մեդալային հաշվարկում զբաղեցրել է առաջին տեղը, թիմային պայքարում երկրորդն է:
Այս մասին NEWS.am Sport-ի թղթակցի հետ զրույցում հայտնեց երիտասարդների հավաքականի ավագ մարզիչ Մելիք Ղուկասյանը:
Նախորդ օրը Մելիք Ղուկասյանի գլխավորած թիմը վերադարձել է հայրենիք:
«Շատ լավ արդյունքներ գրանցեցինք: Ընդհանուր հաշվարկում 14 մեծ եւ փոքր մեդալ նվաճեցինք: 45 երկրների մեջ մեդալային հաշվարկում առաջին տեղը զբաղեցրինք, թիմային պայքարում երկրորդն ենք: Եթե ամբողջական կազմով մասնակցեինք, գուցե թիմային հաշվարկում էլ առաջին տեղում լինեինք»,- ասաց Մելիք Ղուկասյանը:
8 ծանրորդով աշխարհի առաջնությանը մասնակցած Հայաստանի թիմը 5 մեդալով ավարտեց պայքարը երիտասարդների աշխարհի առաջնությունում՝ երկու ոսկե, երկու արծաթե եւ մեկ բրոնզե մեդալ:
Ոսկե մեդալակիրներ դարձան Գառնիկ Չալոյան (55կգ) եւ Գարիկ Կարապետյանը (96 կգ), արծաթե մեդալակիրներ Սուրեն Գրիգորյան (89 կգ) եւ Պետրոս Պետրոսյան (102 կգ), բրոնզե մեդալակիր՝ Գոռ Սահակյան (67կգ):
Լուսինե Շահբազյան
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։