Հայաստանում տաք է, սնունդը շատ համեղ է: Հաճելի է գտնվել եւ մարզվել այստեղ:
Այսպես լրագրողների հետ զրույցում Հայաստանի մասին ասաց Փհենչան-2018 ձեմռային Օլիմպիական խաղերի թիմային պայքարի փոխչեմպիոն, աշխարհի չեմպիոն, տղամարդկանց մենասահքի աշխարհի եւ Եվրոպայի բրոնզե մեդալակիր Միխայիլ Կոլյադան:
Օլիմպիական փոխչեմպիոնն այս օրերին Ալեքսեյ Միշինի գլխավորությամբ ուսումնամարզական հավաք է անցնում Երեւանի գեղասահքի եւ հոկեյի մարզադպրոցում:
Նշենք, որ Ալեքսեյ Միշինը բացի իր թիմի հետ հավաք անելուց, նաեւ մարզումներ է անցկացնում հայ գեղասահորդների տարբեր տարիքային խմբերի հետ:
«Հայաստանում շատ հաճելի է գտնվել: Այստեղ ամեն ինչ հիասքանչ է: Մենք աշխատում ենք լավագույն սառույցի վրա եւ հրաշալի մարզումներ ենք ունենում: Երեւանյան հավաքում ունենք մի քանի մտահաղացումներ իմ պարային համարի հետ կապված, փրձում ենք իրագործել: Վստահ եմ հետաքրքիր մի բան է ստացվելու:
Հայաստանը բարձր լեռնային գոտի է եւ այդ առումով ինձ փոքր-ինչ դժվար են տրվում մարզումները, քան մեզ մոտ՝ Ռուսաստանում:
Ինձ այստեղ ամեն ինչն է դուրս գալիս, հատկապես, եղանակային պայմանները. այստեղ շատ տաք է: Ի դեպ նաեւ հայկական ուտեստներն են շատ համեղ»,- ասաց Միխայիլ Կոլյադան:
Օլիմպիական փոխչեմպիոնի մասնակցությամբ ռուս գեղասահորդների հավաքը կավարտվի մայիսի 11-ին:
Լուսինե Շահբազյան
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։