ՀՖՖ-ի 30-ամյակ․ Քվեարկությամբ կորոշվի նախորդ 30 տարվա լավագույն ձախ կիսապաշտպանը

Հայաստանի ֆուտբոլի ֆեդերացիան 30-ամյակի առիթով շարունակում է քվեարկությամբ ձևավորել հայ ֆուտբոլիստների՝ վերջին 30 տարիների խորհրդանշական հավաքականը։ 

Արդեն ավարտվել է Հայաստանի՝ վերջին 30 տարիների լավագույն աջ կիսապաշտպանի քվեարկությունը, որի արդյունքները կհրապարակվեն բոլոր դիրքերում լավագույններին որոշելուց հետո:

Մայիսի 6-ից սկսած՝ քվեարկությամբ որոշվելու է վերջին 30 տարիների լավագույն ձախ կիսապաշտպանը։

Քվեարկելու համար անհրաժեշտ է անցնել հետևյալ հղումով, լրացնել անուն-ազգանուն և իրականում գոյություն ունեցող էլ.հասցե, ընտրել նախընտրած թեկնածուին և հաստատել ընտրությունը։

Քվեարկության վերջնաժամկետն է մայիսի 11-ը՝ 18:00։