Արման Երեմյանը զբաղեցրել է երկրորդ տեղը թաեքվոնդոյի միջմայրցամաքային առաջնությունում
21:35 15 հոկտեմբերի, 2012Մոսկվայում ավարտվել է թաեքվոնդոյի միջմայրցամաքային Եվրոպա – Ասիա առաջնությունը: Եվրոպայի թիմի կազմում առաջնությանը մասնակցում էր նաեւ հայ թաեքվոնդիստ Արման Երեմյանը:
Առաջնությանը մասնակցում էին 4 թիմեր:
Թիմային մրցումների համար Եվրոպան ներկայացված էր առանձին Ռուսաստանի եւ Եվրոպայի թիմերով, իսկ Ասիան` Հորդանանի եւ Իրանի:
Առաջնությանը մասնակցել են Իրանը, Հորդանանը, Թաիլանդը եւ Ուզբեկստանը Ասիայից եւ Հայաստանը, Խորվաթիան, Մեծ Բրիտանիան, Հունաստանը, Իտալիան, Լյուքսեմբուրգը, Հոլանդիան, Ռումինիան, Շվեդիան, Ուկրաինան` Եվրոպայից: Արման Երեմյանի թիմը զբաղեցրեց երկրորդ տեղը` զիջելով Իրանին: Հայկական թաեքվոնդոյի համար Արման Երեմյանի մասնակցությունը բացառիկ հաջողություն է, քանի որ Արմանը միակ մարզիկն էր իր քաշային կարգում Եվրոպայի թիմից:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։