Սոֆիայում անցկացված ձյուդոյի Եվրոպայի առաջնությունում Հայաստանը ներկայացրել են 73 կգ քաշայիններ Արսեն Ավետիսյանը և Ֆերդինանդ Կարապետյանը, որոնց չի հաջողվել մեդալ նվաճել։
Արսեն Ավետիսյանը պարտվել է երկրորդ շրջանում, Ֆերդինանդ Կարապետյանը՝ առաջին շրջանում։
Նրանք վերադարձել են Վրաստանի Գորի քաղաք եւ միացել այնտեղ մարզումային հավաք անցկացնող թիմակիցներ Գասպար Հայրապետյանին, Շահեն Աբաղյանին (երկուսն էլ` 60 կգ), Արտյոմ Ղալաչյանին (66 կգ) և Մերուժան Սարգսյանին (73 կգ), հաղորդում է ՀԱՕԿ լրատվականը: Նշած մարզիկներին, ինչպես նաև Արսեն Ավետիսյանին, հավաքականի գլխավոր մարզիչ Հովհաննես Դավթյանը կուղեկցի Բոսնիայի Սարաևո, որտեղ մայիսի 5-8-ը տեղի կունենա Եվրոպայի գավաթի խաղարկության փուլային մրցաշարին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։