«Բարսելոնան» պարտվեց, «Ռեալը» գործնականում ապահովեց տիտղոսը (տեսանյութ)

Իսպանիայի առաջնության 21-րդ տուրից տեղափոխված խաղում «Բարսելոնան» ընդունեց «Ռայո Վալյեկանոյին»։ Չավիի գլխավորած թիմը պարտություն կրեց նվազագույն հաշվով։

7-րդ րոպեին իսպանացի կիսապաշտպան Ալվարո Գարսիայի խփած գոլը դարձավ հաղթական։

Ընթացիկ առաջնության առաջին շրջանում եւս «Ռայոն Վալիեկանոն» կատալոնական թիմին հաղթել էր նվազագույն հաշվով։

Այս արդյունքի շնորհիվ Մադրիդի «Ռեալն» առաջնության ավարտից 5 տուր առաջ գործնականում ապահովեց չեմպիոնի տիտղոսը։ Արքայական ակումբը 78 միավորով գլխավորում է մրցաշարային աղյուսակը։ Երկրորդ տեղում ընթացող «Բարսելոնան» հետ է 15 միավոր։ Երրորդ տեղում գտնվող «Սեւիլիան» նույնպես ունի 63 միավոր։

Իսպանիայի առաջնություն, 21-րդ տուրից տեղափոխված խաղ

«Բարսելոնա» - «Ռայո Վալիեկանո»՝ 0։1 (տեսանյութ)

Ալվարո Գարսիա, 7