«Ռեալը» հաղթեց «Օսասունային»՝ 3։1 (տեսանյութ)
01:28 21 ապրիլի, 2022Իսպանիայի առաջնության 33-րդ տուրում Մադրիդի «Ռեալը» մրցակցի խաղադաշտում հանդիպեց «Օսասունայի» հետ։
Իտալացի Կառլո Անչելոտիի գլխավորած թիմը հաղթանակ տարավ 3։1 հաշվով ավստրիացի պաշտպան Դավիդ Ալաբայի, իսպանացի հարձակվող Մարկո Ասենսիոյի եւ իսպանացի կիսապաշտպան Լուկաս Վասկեսի գոլերի շնորհիվ։
Երկրորդ խաղակեսում երկու անգամ չկարողացավ 11 մետրանոցներն արդյունավետ իրացնել «Ռեալի» ֆրանսիացի հարձակվող Քարիմ Բենզեման։ Երկու դեպքում էլ սեյվ կատարեց «Օսասունայի» իսպանացի դարպասապահ Սերխիո Էրերան։
Արքայական թիմը 78 միավորով գլխավորում է մրցաշարային աղյուսակը եւ 17 միավոր առաջ է երկրորդ տեղում ընթացող «Աթլետիկոյից»։ «Օսասունան» 9-րդն է՝ 44 միավոր։
Իսպանիայի առաջնություն, 33-րդ տուր
«Օսասունա» - «Ռեալ»՝ 1։3 (տեսանյութ)
Անտե Բուդիմիր, 13 - Դավիդ Ալաբա, 12, Մարկո Ասենսիո, 45, Լուկաս Վասկես, 90+6
Չիրացրած 11մ՝ Քարիմ Բենզեմա («Ռեալ»), 52, 59
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.