«Ալաշկերտը» պարտության մատնեց «Նորավանքին»

16:53   6 ապրիլի, 2022

Ֆուտբոլի Հայաստանի առաջնության 25-րդ տուրում չեմպիոն «Ալաշկերտը» տանը մրցեց «Նորավանքի» հետ եւ առավելության հասավ 3։0 հաշվով։

10-րդ րոպեին սեփական դարպասը գրավեց հյուրերի ռուսաստանցի պաշտպան Թեմուր Մուստաֆինը։ 30-րդ րոպեին «Ալաշկերտի» առավելությունը կրկնապատկեց նամիբիացի կիսապաշտպան Վանգու Գոմեն, որը 7 րոպե անց երկրորդ դեղին քարտի համար հեռացվեց։ Դաշտի տերերի երրորդ գոլը 53-րդ րոպեին խփեց պաշտպան Վահագն Այվազյանը։    

«Ալաշկերտը»  (21 խաղ) 34 միավորով չորրորդն է եւ 4 միավոր հետ է երրորդ տեղում գտնվող «Արարատից» (21 խաղ)։ «Նորավանքը» (22 խաղ) 8-րդն է՝ 14 միավոր։

Հայաստան․ Vbet Պրեմիեր լիգա, 25-րդ տուր

«Ալաշկերտ» - «Նորավանք»՝ 3։0

Թեմուր Մուստաֆին, 10, ինքնագոլ, Վանգու Գոմե, 30, Վահագն Այվազյան, 53

Հեռացում՝ Վանգու Գոմե, 37, երկրորդ դեղին քարտ



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։