ՉԼ․ «Լիվերպուլի» եւ «Մանչեսթեր Սիթիի» հաղթանակները (ֆոտո, վիդեո)

Չեմպիոնների լիգայի քառորդ եզրափակիչի առաջին խաղում անգլիական «Լիվերպուլը» Լիսաբոնում հյուրընկալվեց պորտուգալական «Բենֆիկային»։ Գերմանացի Յուրգեն Կլոպի գլխավորած թիմը հաղթանակ տարավ 3։1 հաշվով։

17-րդ րոպեին հաշիվը բացեց լիվերպուլյան թիմի ֆրանսիացի պաշտպան Իբրահիմա Կոնատեն, 34-րդ րոպեին հյուրերի առավելությունը կրկնապատկեց սենեգալցի հարձակվող Սադիո Մանեն։

49-րդ րոպեին հաշվի տարբերությունը կրճատեց «Բենֆիկայի» ուրուգվայցի հարձակվող Դարվին Նունյեսը, սակայն 87-րդ րոպեին «Լիվերպուլի» երրորդ գոլը խփեց կոլումբացի հարձակվող Լուիս Դիասը։

Fabinho #UCL pic.twitter.com/LExVwNsszQ

— UEFA Champions League (@ChampionsLeague) April 5, 2022

Օրվա մյուս խաղում Անգլիայի չեմպիոն «Մանչեսթեր Սիթին» ընդունեց Իսպանիայի չեմպիոն Մադրիդի «Աթլետիկոյին»։

Կատալոնացի Խոսեպ Գվարդիոլայի գլխավորած թիմն առավելության հասավ նվազագույն հաշվով։ 70-րդ րոպեին անգլիացի կիսապաշտպան Ֆիլ Ֆոդենի փոխանցումից հետո աչքի ընկավ բելգիացի կիսապաշտպան Կեւին Դե Բրույնեն։

Man. City vs Atlético: who's on top?#UCL pic.twitter.com/hYRBZE8nRb

— UEFA Champions League (@ChampionsLeague) April 5, 2022

Այս թիմերը պատասխան հանդիպումները կանցկացնեն ապրիլի 13-ին։

Չեմպիոնների լիգա, քառորդ եզրափակիչ, առաջին հանդիպում

«Բենֆիկա» (Պորտուգալիա) - «Լիվերպուլ» (Անգլիա)՝ 1։3 (տեսանյութ)

Դարվին Նունյես, 49 - Իբրահիմա Կոնատե, 17, Սադիո Մանե, 34, Լուիս Դիաս, 87

«Մանչեսթեր Սիթի» (Անգլիա) - «Աթլետիկո» (Իսպանիա)՝ 1։0 (տեսանյութ)

Կեւին Դե Բրույնե, 70

De Bruyne's finish or Foden's assist with his first touch?#UCL

— UEFA Champions League (@ChampionsLeague) April 5, 2022